Panganggenipun Tembung Rangkep Wonten ing Kempalan Cerkak Godhong Suruh Temu Rose Anggitanipun Sugito H. S. Kangge Nggambaraken Wosipun Cariyos

Abstract

Ancasipun panaliten menika kangge ngandharaken jinis, makna ewahipun saha ginanipun tembung rangkep wonten ing kempalan cerkak Godhong Suruh Temu Rose Anggitanipun Sugito H.S. Panaliten menika kalebet panaliten deskriptif. Sumber data panaliten menika arupi kempalan cerkak kanthi irah-irahan Godhong Suruh Temu Rose. Data ing panaliten menika awujud satuan lingual ingkang kalebet panandha jinis, makna ewahipun saha ginanipun tembung rangkep. Data menika dipunkempalaken kanthi teknik maos saha nyerat. Piranti ingkang dipunginakaken inggih menika panaliti piyambak saha kertu data, lajeng data dipun-analisis kanthi teknik metode analisis isi inggih menika ngandharaken jinis, makna ewahipun saha ginanipun tembung rangkep adhedhasar konteks ukaranipun. Kangge manggihaken validitas data, dipunginakaken validitas kanthi triangulasi teori, lajeng kangge manggihaken reliabilitas data ngginakaken reliabilitas stabilitas. Asiling panaliten menika ngandharaken jinis tembung rangkep ingkang dipunpanggihaken wonten ing kempalan cerkak Godhong Suruh Temu Rose anggitanipun Sugito H.S. wonten gangsal, inggih menika : (a) dwilingga, (b) dwipurwa, (c)dwilingga salin swara, (d) dwilingga mawi wuwuhan saha (e) dwilingga semu.  Dene makna ewahipun awit saking proses reduplikasi wonten tiga, inggih menika: (a) makna jamak, (b) makna penekanan saha (c) makna ketidaktentuan. Ingkang pungkasan, ginanipun tembung rangkep, inggih menika kangge ngandharaken teges jamak, nyangetaken surasa, ngandharaken teges sanajan, ngandharaken teges tansah, nggadhahi teges gadhah saha ateges samubarang ingkang kaananipun kados ingkang kacetha ing lingganipun tembung.